PARA SA AKING MGA ANAK

Sa pagtakbo ng oras buhay ko ay nag iiba,

Siguro nga ang dahilan, dahil sa kanila,

Mga munti kong tropeyo na sa akin hinulma.

Silang na nabubuhay at di ko maka-ila.

Munting anghel na para sakin ay hugutan ng lakas,

Dagok para sakin kung ako'y tatakas,

Sa hirap ng pinag daanan ako'y tumitikas,

Pag iniisip ko na kailangan nila ng gatas.

Sanggol na inalagaan sa kanlungan ko'y gapos,

Pinangako ko sa sarili itataguyod kahit hikahos,

Kaya dapat kung pag isipan pano sila mapag tapos,

Kanilang kinabukasan aking itutulak kahit pa mang limos.

Pag patawad niyo kung ako ay may kakulangan,

Pinipilit ko naman na ito ay punan,

Para sa inyo hahawiin ko ang daan,

At ihahatid ko kayo saan man ang pupuntahan.

Ang lahat ng ay gagawin para sa masarap na kakainin,

At hindi ko hahayaan mabuwag itong apat na dingding,

At kung hindi niyo maintindihan kung bakit ko kailangan gawin,

Ang lahat ng ito ay para sa inyo rin.

Sa tulang ito na inaalay ko sa kanila,

Maga anak ko ni minsan di kayo mag -iisa,

Andito ako habang buhay niyong ama,

Ako ang mag sisilbing tanglaw kasama ng inyong ina.

Silang mga bata na aking minahal ng lubos,

Pagod sa trabaho at kahit pa pawis ay bumuhos,

Itulay sa kahirapan at sa buhay na kapos,

Ni minsan di niyo ikakahiya na kayo ay naging SANTOS.

KABIYAK

Sana bagay lang ang aking naiisip;

Pano ko nagawa matupad aking panaginip,

Dahil ba sa babaeng ito kaya ako nag pumilit;

Naka ugalian ko biglang nabago ng saglit,

Hindi ko ginusto ang buhay ko ay maging komplikado;

Pero pag kasama ko siya hirap sakin ay nagbabago.

Daig ng saya ang ang pagod na aking nadarama;

Dahil sa pag uwi ko sang tao ang maligaya,

Lagi niyang binabantayan ang aking kilos at galaw;

Pati na pag alis at pag uwi ko na amo'y araw,

Galit pag darating na ako'y lasing;

Pero sya ang nagkukumot sa lamig para ako ay mahimbing,

Hirap man siya sa tigas ng aking ulo;

Hinahabaan ang pasensiya para ako ay matuto,

Lahat ng damit ko ay nilalabhan nito;

Pati ang mga problema ko siya ang umaareglo.

Pano ba ko mabubuhay kung wala ang taong to;

Hirap man isipin, madalas kaming magtalo,

Lahat ng bagay aking pinag papasensyahan;

Handa nya isugal pati sarili niyang kaligayahan,

Lagi ko sinasabi sa sarili di ko siya papalitan;

Taliwas saking sinabi lagi ko siyang pinapasakitan.

Siya ang babae na nag silang ng aking apat na supling;

At hindi siya nag sasawa na gabi-gabi akong kasiping,

Sa hirap at ginhawa kami ay nag damayan;

At isa siya sa naniwala sa pangarap ko na makamtan,

Inisa-isa ko ang hakbang at siya'y nag silbing tulay;

Malabo kong mithiin nilagyan pa niya ng kulay,

Nag-iisa lamang ang kabiyak pang habang buhay;

At kung mawawala man ako hihintayin ko siya sa kabilang buhay.

GAMOT SA EPAL

T S

Hindi ikaw ang kausap ko! Pwede huwag kang....? Napansin ko napapadalas ko nang sabihin to, sa araw araw na pakikisalamuha ko sa mga tao. lalo na sa uri ng trabaho ko napansin ko lang na talaga palang ang dami na talagang EPAL sa mundo at kumakalat ito na parang epidemya.

Sa kapit-bahay, sa kaibigan, kasakay sa bus o MRT lalo na sa mga BOSS, siguro sadyang nasisikipan na sila sa buhay nila at mas gusto nilang paki-alamanan ang buhay ng iba. Tipong kung gusto mo mag salita dapat syempre kasali sila, sasabat, aastang magaling at sobra ang nalalaman.

Mga taong punong puno ng nalalaman at hindi mapigilan na sumingit para lang sumapaw at hindi kaya magtimpi na sumali sa mga bagay na hindi naman siya kasali at hindi kailangan ng kanyang opinyon. walang gamot sa EPAL siguro ang lunas lang ay BARAHIN na lang ang mga taong tulad nito. pero minsan talagang tigas ng mukha kahit soplakin mo na talagang deadma at EPAL to the max parin ang mga hinayupak.

Sa opisina, naku dyusko! eto na yata ang lugar para sakin kung saan pumupugad at nag paparami ang mga EPAL. pangalawa na lang siguro yung mga napapanood ko sa TV, kase puro isolated case lang yung mga nasa report.

Pansinin niyo ang Impeachment Case, siguro hindi na maalis na talagang may mapag-panggap at mula sa pagka kubli sa tao pag kailangan ng tulong biglang magiging halimaw na eeksena na dunung-dunungan para lang hindi maka limutan ng tao yung kanilang pangalan sa susunod na halalan.

Pero ibang klase yung lahi ng EPAL sa opisina, sabi ko nga eto yung beneficial sa tao ang pagiging epal lalo na sa CAREER. may taong ang credit ng iba ay inaangkin ng iba sa tigas ng mukha aangkinin niyang parang siya lang talaga ang gumawa. bonus pa dito yung "hindi niya pag papasalamat sa taong tunay na gumawa" anak ng tupang bakla talaga sarap lamugin ng mukha. meron din habang nasa meeting hindi kailangan ang opinyon biglang susuog imbes na maka tulong lalo pang nag pagulo. may non-sense kausap pero kailangan mo ng sagot. meron ding hindi kinakausap pero sisingit na parang alam ang trabaho. makiki elam hindi alam ang puno't dulo. 

Ganyan yung mga taong sarap sipsipin ang utak, mas mabuti na yung walang laman ang bungo kesa punong puno nga pero sagad naman sa ka-EPALan. para sakin ang pinaka masarap kausap yung taong nakikinig muna bago sumagot. yung tipong marunong mag analisa at tumantya ng taong kausap. sabi nga sakin nung bata ako "Huwag sumabat sa usapan ng matanda" dahil matanda nako pwede na ba kong sumabat? HINDI LINTEK!.

Sapat sana ang pambabara pangontra sa EPAL, dahil kung manganganak pa sila sa araw araw  at makakaharap ko. Siguro isa na ko sa taong pinaka masama ang bunganga sa kakamura sa mga taong ganito. Paninindigan ko ang pagiging PILOSOPO at ibabaon ko ang pag-katao ng mga taong katulad nito na makakaharap ko. WALANG GAMOT SA INYO!? EH DI P*T@NG !NA N!O!

Biro ko nga minsan, "Malakas ka bang gumamit ng Toothpaste? kung hindi dapat lakasan mo, kase ang dalas mo dumada eh!" pero ang totoo kahit hindi mag toothbrush yang mga yan ayos lang. Kase hightech na rin yang mga yan parang CHISMOSA. Ang CHISMOSA ang kapatid ng EPAL, kase marami na ding umeepal sa Internet. thru email, social network ewan ko ba pati sa YM. PUTRAGIS! lang ligtas noh? 

Kaya mga kaibigan, ka-opisina, kapatid, kapamilya at ka-puso, HUWAG MAG INGAT SA EPAL! BARAHIN SILA!. at kung nasa harapan mo na siya TALIKURAN MO NA! dahil hindi ka uunlad sa mga taong katulad nyan kaya mas mabuting huwag mo nang samahan yan. hindi man siya nakakahawa. isa lang ang isipin mo hindi sila maiiwasan dahil ang EPAL sakit na yan.